España, coa deportivista Nuria, debuta hoxe no Mundial sub-20
- Foto: @SeFutbolFem -
A dianteira do Deportivo ABANCA Nuria Rábano está concentrada coa selección española sub-20 para disputar a Copa do Mundo da categoría, entre o domingo 5 de agosto e o 24 de agosto na Bretaña francesa.
A selección debuta no torneo hoxe luns 6 de agosto ante Paraguai. O partido, que arrinca ás 16:30, será no estadio Guy-Piriou (Concarneau).
Pedro López, técnico de España, avisa que "este primeiro partido vai marcar o resto do torneo"; á vez que advirte do potencial do rival.
Este equipo nacional intégrano o groso de xogadoras que o pasado verán proclamáronse campioas de Europa sub-19, torneo que este ano revalidou de novo España, esta vez coas deportivistas Teresa Abelleira e Malena.
O calendario de España, encadrada no Grupo C da primeira fase, é o seguinte:
Luns 6 de agosto 16:30: PARAGUAI - ESPAÑA, no estadio Guy-Piriou (Concarneau)
Xoves 9 de agosto 16:30: ESPAÑA - XAPÓN, no estadio Guy-Piriou (Concarneau)
Luns 13 de agosto 13:30: ESPAÑA - ESTADOS UNIDOS, no estadio Clos Gastel (Dinan/Léhon)
Os dous primeiros de cada grupo avanzan ás eliminatorias, que comezan en cuartos de final.