Como é habitual dous días antes de cada partido, o Deportivo rebaixou esta mañá en Abegondo a carga de traballo.
Os futbolistas branquiazuis, hoxe ademais co fabrilista Mujaid, comezaron no vestiario con estiramentos e tarefa de ximnasio. A continuación, xa sobre o céspede, realizaron uns rondos no campo 3 e pasaron no campo 2 a un ensaio de accións a balón parado.
A mañá concluíu cunha divertida competición a penaltis co cadro dividido en 2 equipos, e Luis César como árbitro.
David Simón e Luis Ruiz realizaron un adestramento específico e son os 2 únicos xogadores á marxe do grupo.
Mañá sábado, o equipo está citado ás 11:00 horas en Abegondo para unha nova sesión de adestramento, a última antes de recibir ao Elche CF en ABANCA-RIAZOR o domingo 10 de novembro (12:00 horas, Movistar LaLiga 1).
