RCD / NOVAS

Estoyanoff advirte: os xogadores uruguaios dámolo todo polo noso equipo

Fabián Estoyanoff pasou esta tarde do campo de adestramento de 'O Mundo do Fútbol' -onde realizou a súa segunda sesión de traballo no Deportivo- á sede do Club na Praza de Pontevedra, onde foi presentado oficialmente como futbolista branquiazul. O internacional uruguaio ten as cousas claras: "Estou centrado unicamente no Deportivo, en achegar o máximo para lograr os máximos puntos posibles". Eloxiou a acollida que lle fixo o persoal: "Son uns raparigos estupendos". Estoyanoff non prometeu goles, pero si traballo e sacrificio: "Os uruguaios caracterizámonos por dalo todo na cancha polo teu equipo".

15/07/2006 23:05

Antes das palabras do novo xogador do Dépor, Augusto César Lendoiro deulle a tradicional benvida e ao mesmo tempo desvelou que "o máis difícil non foi o contrato do xogador, senón conseguir a opción de compra da Valencia, que se ten que facer efectiva como xa sabedes en maio de 2007 por catro millóns de euros". É máis, o Presidente deportivista afirmou que na próxima semana acordarase cos axentes de Estoyanoff o novo contrato do futbolista se o Club fai efectiva esa opción de compra coa Valencia.

Premio para o Dépor
Unha das grandes cualidades de Augusto César Lendoiro é a súa capacidade de negociación, a que se plasma mesmo na letra pequena. Por esas cláusulas por exemplo o Milan disputará o Trofeo Teresa Herrera - Torneo do Centenario; ou ben o Bayern de Munich abonou unha indemnización millonaria porque non acudiu precisamente ao torneo estival branquiazul tras acordalo no traspaso de Makaay... Pois ben, no caso de Estoyanoff, a Valencia abonará 250.000 euros ao Deportivo se o futbolista xoga un total de 20 partidos en Primeira División.

Máis novas de: ESTOYANOFF

RCD / Noticias Relacionadas

25/05/2007 13:24 |

Estoyanoff: O club non nos debe ningunha mensualidade e estamos totalmente ao día

Estoyanoff foi un dos futbolistas que compareceu na sala de prensa do Mundo do Fútbol. O internacional uruguaio asegura que é feliz na Coruña, que se quere quedar no Deportivo e confirma que "o Club non nos debe mensualidade algunha. En decembro houbo o tema dos pagarés que xa está solucionado e estamos totalmente ao día". Sobre o partido, Estoyanoff asegura que o Dépor está capacitado para lograr o tres puntos no Santiago Bernabéu.

25/05/2007 11:49 |

Coloccini volve á Selección Arxentina para un amigable en Suíza

O central deportivista Fabricio Coloccini foi citado pola Selección de Arxentina para disputar, o vindeiro sábado 2 de xuño en Basilea, un amigable ante Suíza. Por conseguinte, Coloccini únese a Andrade, Estoyanoff, Aouate, De Guzman, Bodipo e Adrián, con compromisos internacionais; ademais da preconvocatoria de Barragán e Fabricio para o Campionato do Mundo Sub-20.

23/05/2007 21:36 |

Dudú Aouate, citado para dous partidos oficiais de Israel ante Macedonia e Andorra

Dudú Aouate, o porteiro menos batido do ano 2007 na Primeira División, foi citado pola súa Selección Nacional, Israel, para participar en dous partidos oficiais clasificatorios para a Eurocopa 2008, o 2 de xuño ante Macedonia e o día 6 dese mes ante Andorra. Ademais de Aouate foron convocados Andrade con Portugal, para medirse a Bélxica en partido oficial e Kuwait nun choque amigable; Estoyanoff para enfrontarse con Uruguai a Australia o 2 de xuño nun partido de preparación da Copa América; De Guzman para xogar con Canadá a Golden Cup en Miami(Estados Unidos) ante Costa Rica (6 de xuño), Guadalupe (9 de xuño) e Haití (11 de xuño); e Bodipo para dous choques oficiais valedoiros para a Copa de África Ghana 2008 ante Ruanda en Kigali (2 de xuño) e fronte a Liberia en Monrovia o 17 de xuño.