Semana definitiva para o Deportivo ABANCA, que se xoga o título do grupo 1º da Segunda División Nacional co Oviedo Moderno. As deportivistas chegan á última xornada ligueira, a 26ª, con 70 puntos, por 72 as oviedistas, que teñen gañado ademais o golaverage particular en caso de empate a puntos.
O Deportivo ABANCA visita este domingo 22 de abril ás 12:00 horas ao CPM Friol no campo da Reigosa, e o Oviedo Moderno recibe á mesma hora no seu campo ao Sárdoma.
Así pois, as futbolistas branquiazuis teñen que gañar o seu partido e esperar a que as asturianas perdan coas viguesas.
Manu Sánchez recupera para o encontro a Gaby, após participar con Venezuela na Copa América Chile 2018. A dianteira deportivista foi titular en todos os partidos da súa selección.
O técnico deportivista dispuxo o seguinte plan de adestramentos para esta semana:
Luns 16 de abril
20:45: Adestramento na Casa del Agua
Mércores 18 de abril
20:00: Adestramento en Abegondo
Xoves 19 de abril
20:30: Adestramento en Ponte dos Brozos (Arteixo)
Venres 20 de abril
19:00: Adestramento en Abegondo
Domingo 22 de abril
12:00: CPM Friol - Deportivo ABANCA, no campo da Reigosa
