Exipto, que venceu onte á noite a Ghana (1-0), como primeira do grupo D será o rival de Marrocos, con Fayçal Fajr, nos cuartos de final da Copa de África Gabón 2017. O xogo será este domingo 29 de xaneiro ás 20:00 horas no Stade de Port-Gentil, na cidade gabonesa de Port-Gentil.
O pasado martes 24 de xaneiro a selección marroquina, con Fayçal no once inicial, impúxose (1-0) á actual campioa Costa de Marfil no choque decisivo da Primeira Fase.
O atacante deportivista xogou 83 minutos e tivo unha actuación destacada, cun tiro ao pau no minuto 25 de partido, nunha das ocasións máis claras.
Con este resultado, Marrocos, con dúas vitorias e unha derrota, clasificouse como segunda de grupo, por detrás do Congo.
Fayçal foi titular ante Togo e Costa de Marfil; e xogou os últimos 17 minutos fronte ao Congo, no debut de Marrocos na competición.
Os resultados de Marrocos na Primeira Fase e o calendario son estes:
Luns 16 de xaneiro CONGO 1 - MARROCOS 0
Venres 20 de xaneiro MARROCOS 3 - TOGO 1
Martes 24 de xaneiro MARROCOS 1 - COSTA DE MARFIL 0
Domingo 29 de xaneiro Cuartos de final 20:00 (hora local): EXIPTO - MARROCOS