Despois de dous partidos a cara de can contra Irlanda do Norte, co pasaporte para o Mundial de Rusia 2018 en xogo, Fabian Schär adestrouse esta mañá con normalidade en Abegondo, ás ordes de Cristóbal Parralo. Retirouse ao vestiario antes que o resto dos seus compañeiros, dada a esixencia física á que tivo que responder o central deportivista nos seus dous encontros con Suíza.
Schär foi o primeiro dos xogadores internacionais en volver. Ao longo de hoxe mércores, teñen previsto chegar á Coruña Celso Borges, Fede Valverde, Andone e Pantilimon. Salvo imprevisto, este catro futbolistas xa se adestrarán mañá xoves co Deportivo.
A novidade no adestramento desta mañá foi Adrián López, que realizou unha parte da sesión co grupo por primeira vez desde a súa lesión nun ombreiro. O único xogador á marxe foi Juanfran, que tivo tratamento médico, fisioterapia e ximnasio. Tampouco acabou todo o traballo no céspede o gardameta Tyto?, cunha molestia nun astrágalo.
Cristóbal Parralo contou esta mañá cos fabrilistas Blas, Edu Expósito, Álex Cobo, Óscar e Martín Bengoa, ademais do xuvenil Iago Gandoy.
A sesión, no campo 2 e 3 de Abegondo, consistiu nun quecemento técnico, unhas accións combinativas en ataque con finalizacións, un partido táctico once contra once e, para concluír, fútbol área a área.
