Fabril e Infantil B teñen partido de liga mañá mércores, día festivo
Dous equipos de #ANOSACANTEIRA teñen compromiso ligueiro mañá mércores 1 de novembro, día festivo: Fabril e Infantil B. A maiores, o Xuvenil B disputa en Viveiro ante o conxunto local o Memorial Marcos Gómez Pita (12:00 horas).
A Fabril visita ao Pontevedra, en Pasarón, a partir das 17:00 horas, en partido da 12ª xornada no grupo 1º da Segunda División B.
Rubén Coméndez, técnico fabrilista, citou para este partido a: Álex Cobo, Francis, Blas, Lucas, Raúl González, Quique Fornos, Gaizka, Romay, Carlos López, Martín Bengoa, Borja Galán, Óscar, Ismael Díaz, Luismi, Jardel, Uxío, Queijeiro e Luis Fernández.
O calendario de partidos previstos para mañá mércores é o seguinte:
Segunda División B 12ª xornada: PONTEVEDRA - FABRIL, ás 17:00 en Pasarón (Pontevedra) Clasificación: 1. Fabril e Fuenlabrada, 26 puntos; 3. Celta B, 24 puntos...
Categoría xuvenil Memorial Marcos Gómez Pita: VIVEIRO - XUVENIL B, ás 12:00 no Municipal de Viveiro
Categoría infantil Primeira Autonómica, grupo 1º, 11ª xornada: INFANTIL B - LARACHA CF, ás 12:00 en Abegondo (campo 7) Clasificación da Primeira Autonómica, grupo 1º: 1. Orillamar, 28 puntos; 2. Infantil B, 24 puntos; 3. Ural B (un partido menos), 20 puntos...