José Luis Aristín González (Salamanca, 23 de xullo de 1950), fisioterapeuta do RC Deportivo entre 1991 e 1999, faleceu a pasada madrugada aos 71 anos de idade.
Aristín, "de corazón salmantino e coruñés por convicción e devoción" como reza o seu perfil persoal de Facebook, tratou e recuperou as pernas dos xogadores deportivistas desde o ascenso a Primeira após 18 anos de ausencia até a campaña anterior á conquista do título de Liga de Primeira División.
Naquela época, Aristín traballou xunto a compañeiros como Antonio Vázquez, Antonio Segade, Andrés Caramés ou Juan Hermida, antes de dar o testemuño a José Antonio Ares, Andres Llamas, Edu Seoane ou Sergio Álvarez.
Aristín exercía como profesor titular da Facultade de Fisioterapia da UDC e presidente do Colexio Oficial de Fisioterapeutas de Galicia.
O RC Deportivo desexa mostrar o seu máis sentido e sincero pésame a familiares, amigos e ex compañeiros. DEP
