Fayçal asegura que o gol de onte ante o Raio Vallecano ''foi o mellor da miña carreira''

O internacional marroquí lembra marcar outro tanto semellante defendendo a camiseta do Caen, fronte ao Bastia, na Segunda División de Francia, "na mesma posición, pero de falta". 

 

Apunta que o de onte ante o Raio "non foi un gol de sorte, porque moitas veces nos adestramentos traballo este tiro libre. Estou contento, pero hai que seguir traballando".

 

Fayçal asegura que a súa boa tempada no Dépor é froito de que "estou moi ben aquí en Coruña. Sinto moi ben no Club".

 

O atacante deportivista está convencido que "van volver as vitorias rápido. Facemos todo para gañar. Cando miramos os partidos que xogamos en casa (Valencia, Vilarreal e o de onte) tivemos moitas ocasións, tivémolo todo para gañar o partido. Non tivemos a sorte. Seguro que a imos a ter. Estamos a traballar. Sempre hai que traballar para gañar". "Non estou preocupado porque seguro que rápido imos conseguir unha vitoria", subliña.