RCD / NOVAS

Fayçal: "Estamos a traballar moi ben, o equipo xunto, todos unidos. Sacaremos todo adiante"

30/03/2017 20:14

Fayçal Fajr, de regreso onte mércores da concentración de Marrocos, pasou hoxe xoves pola sala de prensa de Abegondo, nada máis concluír o adestramento do Deportivo.

O internacional marroquí asegurou, despois de disputar dous partidos case completos coa selección do seu país, estar "como sempre, a tope, ao cento por cento para preparar o partido do domingo", en Mestalla fronte ao Valencia ás 18:30 (Bein Sports).

Vese ás ordes de Pepe Mel: "Non teño problema para xogar partidos seguidos. Atópome moi ben. Estou a disposición do adestrador. Non teño problema para xogar en Valencia".

Comenta que foi unha experiencia positiva os choques con Marrocos: "Xogamos dous partidos, gañamos os dous. Estamos a preparar a fase de clasificación para o Mundial. Queremos clasificarnos. Hai que prepararse e estamos a traballar ben".

No entanto, regresa centrado no Deportivo: "Agora a cambiar rapidamente de 'chip'. Desde onte teño o partido do domingo na cabeza e nada máis".

Cre que o derbi ante o Celta, "é pasado. Quedamos coas sensacións de poder coller polo menos un punto. No fútbol cando non marcas as túas ocasións, eles achéganse á portería unha ou dúas veces e con espazo métenche o gol".

Asegura que no Deportivo, a pesar deses tropezóns, "estamos a traballar moi ben, o equipo xunto, todos unidos. Sacaremos todo adiante".

Séntese agora importante no equipo: "Todos os futbolistas son importantes no equipo. Co novo adestrador ten cousas. Está a falar con todos os xogadores. Ninguén do equipo pode dicir que non está a ter minutos. Todos estamos a ter minutos. Nada máis, a seguir, a traballar e a respectar as decisións do corpo técnico".

Apunta que agora, nesta fase da competición, "todos os partidos son moi importantes. Xa sabemos que o Valencia para min non ten que estar abaixo co cadro que ten. Nós imos ir como sempre, para gañar. E veremos ao final do partido. Pero temos confianza, estamos a traballar moi ben e nada máis".

Máis novas de: FAYÇAL

RCD / Noticias Relacionadas