Fayçal Fajr, preconvocado para a Copa de África Gabón 2017
Fayçal Fajr foi preconvocado pola Selección de Marrocos para disputar a Fase Final da Copa de África, que se xogará en Gabón do 14 de xaneiro de 2017, día en que arranca a fase de grupos, até o 5 de febreiro, coa disputa da grande final.
Nos próximos días, a Federación Marroquina de Fútbol comunicará a listaxe definitiva.
En caso de ser convocado, Fayçal debe incorporarse á concentración do equipo nacional o próximo 28 de decembro.
O calendario de Marrocos é o seguinte:
Luns 16 de xaneiro de 2017
20.00 horas: CONGO - MARROCOS
Venres 20 de xaneiro
20.00: MARROCOS - TOGO
Martes 24 de xaneiro
20.00: MARROCOS - COSTA DO MARFIL
Os dous primeiros de cada grupo acceden aos cuartos de final.