Fayçal Fajr, de regreso na Coruña despois dun brillante papel con Marrocos na última edición da Copa de África, é a novidade na lista de 18 xogadores convocados por Gaizka Garitano para o partido de mañá sábado 11 de febreiro en Bilbao ante o Athletic Club (18:30, Bein Sports).
No adestramento desta mañá, con só o meta Davy Roef á marxe do grupo, o corpo técnico deportivista incidiu na posesión, accións ofensivas con remates e, para concluír, un partido once para once.
Tras o partido en San Mamés, o plantel adestrarase de novo en Abegondo o domingo 12 de febreiro ás 11:00 horas.
Os futbolistas citados viaxan esta tarde a Bilbao, segundo este plan de viaxe:
Venres 10 de febreiro
18:00: Saída do voo chárter do Aeroporto da Coruña con destino Bilbao
19:00: Chegada aproximada ao Aeroporto de Bilbao e aloxamento no Hotel Hesperia Bilbao
Sábado 11 de febreiro
18:30: Athletic Club - Deportivo, en San Mamés
22:30: Saída do voo chárter do Aeroporto de Bilbao con destino ao Aeroporto da Coruña
23:30: Chegada aproximada ao Aeroporto da Coruña
