RCDeportivo RCDeportivo RCDeportivo
Skip to main content
GL
PORTADA

Fede Cartabia, Borja Valle e Bicho incorporáronse esta tarde ao adestramento de grupo

Fede Cartabia, Borja Valle e Bicho foron as novidades no adestramento desta tarde na Cidade Deportiva de Abegondo, no regreso ao traballo do primeiro equipo tras o día libre de onte domingo. Os tres superaron as molestias físicas que lles impediron acabar a semana pasada co grupo. Hoxe realizaron toda a sesión con normalidade. Especialmente no caso de Fede Cartabia, os Servizos Médicos agardarán á súa evolución nos próximos días.

Coa presenza dos canteiráns Óscar Pinchi, Edu Expósito e Francis, Pepe Mel dispuxo, por grupos, de traballo táctico e un circuíto físico con balón. A tarde arrancou no ximnasio, con exercicios de forza; e finalizou cun partido once para once no campo 2.

Mañá martes, o adestramento arrancará ás 10:00 horas. Ao finalizar, o corpo técnico dará a lista de convocados para o encontro de pola tarde (19:30 horas) no campo do Roxo ante o Cerceda (Segunda División B), no cuarto amigable desta pretemporada. A directiva do club cercedense fixou en 10 euros o prezo das entradas para o público.