RCD / NOVAS

Fernando Vázquez márchase "bastante satisfeito co equipo"

23/02/2020 18:40

Fernando Vázquez subliñou na sala de prensa de La Romareda que "o meu equipo fixo case todo para facer un bo partido. Non estivemos demasiado mal, mesmo nin con 10. Quizais nos faltaba un pouco de adestramento. Tes unha formulación que levas practicado bastantes partidos, non tiveches que cambiar moito porque o marcador non cho pediu nunca. Agora si nolo esixía no descanso, adiantar a nosa liña defensiva. Tentámolo. Fáltanos, fáltanos. Pero estou bastante satisfeito co equipo. Non teño nada que lamentar. Chegaron ao vestiario moitos deles non vou dicir mortos, pero si medio mortos, como teñen que chegar".

O técnico deportivista, respecto da xogada que sen dúbida marcou o desenlace do partido, a expulsión de Gaku, sostén que "non pode ser que a falta de Gaku sexa amarela e unha patada a Álex Bergantiños non sexa amarela. Din que é un ataque prometedor, concepto táctico difícil de asimilar. Que alguén me explique o que é cartón amarelo ou o que non é cartón amarelo. ¿Para que naceu o cartón amarelo? É un bo debate. Preguntarse por que naceu o cartón amarelo ou para que".

Ademais, opina que "a forma de defender o Dépor o balón parado é boa. É boa porque produce estatisticamente resultados. Hoxe fallamos. Miraremos por que fallamos ou quizais é inevitable que de cando en vez che fagan un gol de cabeza. O segundo gol está con Mujaid e gáñalle a acción. Ese balón pode ir dun balón curto ou un directamente. Tamén o Zaragoza ten moito mérito", conclúe.

Así mesmo, laméntase de "perder unha oportunidade de deixar o marcador noso particular a 5 vitorias. Seguimos tendo que gañar 6 para estar claramente salvados. E só podemos fallar 8 veces. Niso estamos".

Insiste en que "perdemos e non cae o mundo. Seguiremos competindo. Estabamos preparados para perder. Perdemos ante un rival moi importante, un rival que se as cousas sáenlle máis ou menos ben para o ano estará en Primeira División. Parecíame que en fútbol dinámico non iamos ter problemas para defendernos do Zaragoza. Tamén sabiamos que no fútbol non dinámico, a balón parado, se o salvas poderiamos saír con algo positivo de La Romareda. Non foi así. E nos 2 primeiros córneres fixéronnos gol. Temos que mellorar nese aspecto, iso está claro".

Explica pola súa banda que "o modelo de xogo que estamos a desenvolver de inicio é un modelo de xogo no que esperas a que o rival che tente desorganizar. Atópaste co resultado en contra 2 veces e é unha situación á que non estamos súper afeitos. O equipo reaccionou ben, foise arriba, tentamos algo que non estamos afeitos facer, que nos falta adestramento. Pero o equipo veu para a caseta morto".

Máis novas de: FERNANDO VAZQUEZ