RCDeportivo RCDeportivo RCDeportivo
Skip to main content
GL
ACTUALIDADE

Fixadas as datas dos dous partidos aprazados do Xuvenil B

O Xuíz Único de Competición fixou as datas dos dous partidos que foron aprazados no seu día ao Xuvenil B no grupo C de ascenso da liga Nacional por un caso de COVID-19 no vestiario deportivista.

Así, o encontro da 3ª xornada en Abegondo entre o Xuvenil B e o CD Areosa do pasado 1 de maio xogarase este sábado 15 de maio ás 12:00 horas.

E o partido do Xuvenil B en Vigo ante o Coruxo FC, correspondente á 4ª xornada disputada o pasado 8 de maio, terá lugar o mércores 19 de maio ás 20:00 no campo de Fragoselo (Vigo).

Finalmente, a última xornada do grupo disputarase o domingo 23 de maio ás 12:00, en horario unificado para todos os partidos con incidencia na clasificación. Nesta xornada, o Xuvenil B recibirá na Cidade Deportiva ao RC Celta B.

Os célticos marchan líderes con 58 puntos por diante dos branquiazuis, segundos na táboa con 55 puntos pero cos dous partidos anteriores pendentes de disputar.