RCD / NOVAS

Florin Andone: Os dianteiros vivimos do gol, pero non estou nada preocupado

Florin Andone foi o protagonista esta mañana na sala de prensa de Abegondo. Asegura o dianteiro estar "feliz por estar aquí. Estou moi contento por xogar, pola confianza do míster, pola confianza das miñas compañeros. Moi tranquilo. Teño 23 añvos, estou a xogar en Primeira División, estou a xogar coa selección absoluta de Rumanía... ¿Porqué vou estar preocupado?"

29/09/2016 20:58

Andone ve ao Deportivo "moi ben. Os resultados non nos acompañaron esta semana. O equipo contra o Leganés merece a vitoria, contra o Atlético de Madrid deu a cara, traballou moi ben. É verdade que o Atlético de Madrid no Calderón é o Atlético de Madrid. Non hai que esquecerse de contra quen xogaramos. O equipo deu a cara, o equipo traballou. Todos os compañeiros demos a cara uns por outros e estamos moi contentos co traballo que fixemos. Agora semana nova, equipo novo o sábado coa idea de gañar o tres puntos e ter un pouco de tranquilidade".

Lembra respecto dos comentarios dirixidos a el por non estrearse como goleador na liga, que "se o gol do Athletic non mo anularon, e traveseiro do Leganés entrase e leva dous ou tres goles, pois xa ninguén diría nada. Pero agora como non entraron os goles, pois todo o mundo a adaptación, os nervios. Estou tranquilo. Adapteime xenial. Estou a xogar. Confianza no míster ao cento por cento, confianza nos meus compañeiros ao cento por cento. Estou feliz. Lévome moi ben con toda a xente. Teño amigos no vestiario. Estou ao cento por cento xenial".

Neste sentido, confesa que cando chegue ese primeiro gol, "primeiro gritareino moito porque teño ganas de meter un, non vouche a mentir. Os dianteiros vivimos do gol, pero non estou nada preocupado. Mentres siga xogando, é que algo estou a facer ben. É cuestión de tempo. Isto non é como empeza, tampouco é como acaba, pero son 38 xornadas, pódense meter moitos goles ou se pode meter menos goles e tentar axudar doutra forma ao equipo. É cuestión a estar a disposición do míster e dos teus compañeiros".

Valora a achega de futbolistas como Emre Çolak ou Fayçal: "Os dous son grandes xogadores. Os dous están a achegarnos moitísimo. Son dous xogadores parecidos e á mesma vez diferentes. Pero son dous grandísimos xogadores. Non sinto a diferenza entre Çolak ou Fayçal".

Do choque ante o Sporting de Xixón, este sábado 1 de outubro en Riazor (20.45, Bein Sports), preveé Florin Andone un partido "difícil, un partido que eles van vir seguro a gañar. Pero nós temos mentalidade gañadora, temos mentalidade de ter o control sobre o rival. Esta vez si que imos gañar, imos facer un bo partido e a xente vai gozar".

Respecto de Gaizka Garitano, o internacional romanés non ten ningunha dúbida e subliña que o persoal deportivista "está a matar cento por cento co adestrador. Hai un 'feeling' da hostia. Estamos xenial con el, el está xenial connosco. Oxalá quede aquí dez anos se se ten que quedar. A xente querémolo moitísimo e estamos moi a gusto con el".

Máis novas de: ANDONE