RCD / NOVAS

Gaku e Montero teñen partido oficial mañá xoves con Xapón e España sub-21

13/11/2019 16:15

Dous xogadores do Dépor teñen partido oficial mañá xoves: Gaku e Montero. O terceiro futbolista branquiazul citado neste parón de seleccións, Lampropoulos, entrará en xogo o venres con Grecia.

Os tres xogadores deportivistas serán baixa este sábado 16 de novembro no Estadio Francisco de la Hera ante o Extremadura UD (16:00 horas, Movistar LaLiga).

Montero concentrouse hoxe mércores coa sub-21

Francisco Javier Montero foi convocado pola selección española sub-21 para dous partidos clasificatorios para o Campionato de Europa da categoría.

Mañá xoves 14 de novembro (19:45 horas), España recibe a Macedonia no Estadio Municipal de Santo Domingo en Alcorcón.

E o martes 19 (19:30 hora local, 18:30 en España), a selección española visita a Israel, nun partido que se xogará no Ramat Gan National Stadium de Ramat Gan.

Gaku xoga con Xapón en Kirguizistán

Gaku Shibasaki tamén foi convocado para dous partidos coa selección de Xapón.

O combinado nipón visita a Kirguizistán mañá xoves 14 no Estadio Dolen Omurzakov (17:15 hora local, 12:15 en España) da capital Bishkek. O choque é clasificatorio para o Mundial 2022 de Qatar e a Copa de Asia 2023 de China.

Así mesmo, o martes 19, Xapón recibe a Venezuela nun encontro amigable que se xogará no Panasonic Stadium da cidade de Suita, ás 19:25 horas (11:25 en España).

Lampropoulos visita Armenia coa selección grega o venres

Vassilis Lampropoulos foi citado pola selección de Grecia para dous partidos oficiais, clasificatorios ambos para a Eurocopa 2020.

O combinado heleno visitará Armenia o venres 15 de novembro (21:00 hora local, 18:00 en España) no estadio Republican Vazgen Sargsyan do seu capital Yerevan; e, o luns 18 (21:45 hora local, 20:45 en España), recibe a Finlandia no Estadio Olímpico de Atenas.

A selección grega, xa sen opcións de clasificación directa, necesita gañar ambos os encontros para ter algunha posibilidade de disputar os playoffs.

Máis novas de: GAKU SHIBASAKI, JAVI MONTERO