Hoxe luns 28 de marzo, Adrián disputará coa Selección Española Sub-21 un partido ante Bielorrusia en Alcalá de Henares (Madrid). Para este choque tamén fora convocado Rubén Pérez, que caeu finalmente da convocatoria debido a unha elongación nos isquiotibiais.
Por fin, Martin Büchel foi citado pola súa Selección Nacional, Liechtenstein, para un partido clasificatorio para a Eurocopa 2012 ante a República Checa en Budweis, o martes 29 de marzo ás 17.30 horas. Ata a data, Martin suma 31 partidos coa camiseta do seu equipo nacional.
