Garitano: ''levamos un tempo sen gañar e para nós o partido é moi importante''

Insiste en que o pasado domingo no Vicente Calderón, "calquera equipo da liga entre os dez últimos houbese perdido cinco ou seis cero. Nós soubemos manter o partido vivo ata o final. O equipo traballa ben, fai cousas ben, pero todos vedes que temos bastantes dificultades no último terzo para ganduxar as xogadas ou para acabalas con máis brillantez. Pero iso é cuestión de tempo, de traballo".

 

Por iso, Garitano pide mañá sábado 1 de outubro ante o Sporting de Xixón en Riazor (20.45, Bein Sports), "tentar levar a iniciativa, xerar, e cantas máis ocasións de gol xeres máis preto estás de facer gol".

 

Cualifica o encontro como "vital para nós. Todos sabemos a importancia que ten. Teremos que saber xogar o partido, non ter ansiedade, na xornada 7 que iso nos impida xogar ben e levar a iniciativa. É certo que levamos un tempo sen gañar e o partido para nós é moi importante".

 

Nesta liña, subliña en que "levamos un partido gañado de seis. Agora xogamos en casa. Cada semana que pasa que non ganas a necesidade se fai máis grande". 

 

Do Sporting destaca que "é un bo equipo, como todos os de Primeira División. Deles veñen 4.000 a Riazor pero nós somos moitos máis. Xogamos en casa, co apoio a nosa afección. Mañá necesitarémola máis que nunca para tentar sumar o tres puntos".

 

Explicou a ausencia dun dos capitáns, Alex Bergantiños, da convocatoria, "no sitio onde mellor reforzado está o equipo. Temos a catro moi bos pivotes e agora é verdade que estou a apostar polos outros tres. Pero teño a máxima confianza en Álex, o seu comportamento é exemplar, adestra moi ben. Sabemos que cando o necesitemos vai render perfecto".