Héctor: o cartón vermello a Sergio é desproporcionada
Héctor, titular no partido de Copa do Rei ante o Cerceda,
compareceu esta mañá ante os medios informativos en 'O Mundo do Fútbol'. -Que tal onte no teu debut? -Moi ben. Creo que sacamos o partido adiante e iso é o
máis importante.
-Despois de xogar onte, e dada a proximidade do partido do
Liverpool, crees que poderás ter continuidade? -A verdade é que sempre que vou convocado vou coa esperanza de xogar.
E este domingo, se entro na lista, non será unha excepción. -Na xogada de Sergio que acabou na súa expulsión, fuches o primeiro
en chegar alí. Que che pareceu o desenlace da acción, con cartón vermello para
o deportivista e para o futbolista do Cerceda? -Eu creo que é desproporcionado. Poderíase arranxar
perfectamente cunha amarela para os dous. -Pode incidir o partido do Liverpool no domingo? -Non. O Albacete vainos a pór as cousas complicadas e temos que
estar centrados ao cento por cento en gañar o partido. Logo xa virá o
Liverpool. -E a túa renovación? -Deste tema non podo dicir nada porque de momento non se nada.