Tras o pousado no céspede para os xornalistas gráficos, o agasallo de balóns á bancada e a protocolaria firma de autógrafos, os dous futbolistas pasáronse pola sala de prensa, acompañados polo Presidente, Tino Fernández, e os restos de membros do Consello de Administración branquiazul.
"Vou tentar dar o máximo aquí", prometeu Hélder en resposta ás palabras de benvida de Tino Fernández. "O meu compromiso é traballo e dalo todo polo Club", insistiu o internacional portugués.
Pola súa banda, Juanfran asegurou ante os medios de comunicación que "sei que hai moita competencia. Pero sempre é boa porque se nos esixe máis". Dixo que chega a un equipo "con moitos socios e que ademais me dá a oportunidade de seguir en Primeira División".