- Foto: @ffgbissau -
O fabrilista Iano Simão dá Silva Imbeni –na foto en primeiro plano e de pé– está concentrado coa súa selección, Guinea Bisáu, para dous partidos clasificatorios para o próximo Mundial de Qatar 2022.
O primeiro dos encontros foi esta tarde fronte á República de Guinea en Conakri, o seu capital. O partido acabou sen goles (0-0) e sen minutos de xogo para o xogador do Fabril.
Con este resultado, Guinea Bisáu é segunda do grupo I de África con 5 puntos, moi afastada do líder, Marrocos, que ten 12 puntos e xoga a tal hora o seu partido fronte a Sudán. Só o primeiro de cada grupo pasa á seguinte fase de clasificación.
A segunda cita para o atacante fabrilista co seu combinado nacional será en Bisáu (capital de Guinea Bisáu) precisamente fronte a Sudán este luns 15 de novembro (17:00 horas, 18:00 horas na Coruña).
Por conseguinte, Iano Simão será baixa segura no partido do Fabril deste domingo 14 de novembro ás 16:30 no campo do Morrazo ante o Alondras CF.
