Ian Mackay manifestou esta mañá na sala de prensa de Abegondo que o equipo tenta darlle a esta semana sen fútbol a "máxima normalidade. Daquela a fin de semana aproveitar para desconectar coas familias e vir coas pilas cargadas ao último tramo de competición e prepararnos ben para chegar moi ben e coas mellores sensacións ao playoff".
Felicitou ao Real Racing Club, xa equipo de Segunda División: "Fixeron unha temporada moi boa. Felicitalos por ser campións e polo ascenso". O gardameta coruñés non entrou a valorar as referencias ao Dépor na súa celebración porque "prefiro estar centrado no noso, que é o que temos que facer e dar a alegría a #ANOSAFORZA ao final de temporada conseguindo ese ascenso; e que o podamos celebrar á nosa maneira e todos xuntos".
Preguntado por Juan Carlos Menudo, Mackay lembra que o sucedido "é unha cousa entre o xogador e o Club. Eu con el tiven unha relación sempre espectacular, sempre nos levamos moi ben e desexarlle toda a sorte do mundo ao non estar connosco, que creo que é un xogador moi bo".
Mostrouse sorprendido pola resolución do Comité de Competición, que desestimou o recurso do Dépor por aliñación indebida de Artola e Diarra no partido de Lezama: "A miña opinión persoal é que era un caso moi claro. Con toda a xente que falaba, mesmo cun avogado, dicíame que era un caso claro, que os dous puntos tíñannolo que dar. Cando saíu a resolución sorprendeunos a todos. É normal que o Club volva insistir, porque o meu punto de vista persoal é que é moi claro esperamos que nos dean eses dous puntos".
Gustaríalle que ese fallo do Comité de Apelación "fóra esta semana xa. Non creo que haxa que alargalo moito máis. É tomar unha decisión sobre o que fixeron. Só fíxoo ese equipo, non o fixo ninguén máis porque todos os equipos tiñan claro o que se podía e o que non se podía facer. Eles fixeron iso e non o vexo xusto, non o vexo claro porque despois da resolución parece ser que queren agora cambiar as regras, xusto despois de que pasase isto. Como que se aproveitou ese equipo e logo despois que non se poida aproveitar ninguén máis do que pasou. Tense que arranxar canto antes porque non só nós estamos afectados, senón máis equipos e que a competición non quede máis desvirtuada".
Con tres partidos por diante, dous deles en ABANCA-RIAZOR (CD Tudelano e Unionistas de Salamanca CF), Mackay promete que "imos tentar que sexan todo vitorias de aquí ao final. Queremos facer os máximos puntos posibles para asegurar a segunda praza, que é moi importante sobre todo de cara ao playoff, sabendo que calquera equipo que xogue contra nós ten que conseguir unha vitoria para eliminarnos".
Por conseguinte, insiste en que "imos ir a gañar todos os partidos para entrar coas mellores sensacións ao playoff".
E nesas sensacións refírese o futbolista coruñés a "ser un equipo sólido, que se vexa que desde o principio imos a polo partido, apertando alto, ter a identidade que tiñamos ao principio e esa seguridade de que imos tentar conseguir en todos os partidos a vitoria. O outro día (ante o UD Logroñés) é certo que se nos puxo de cara moi pronto como o anterior partido en ABANCA-RIAZOR (ante o DUX). É a idea que temos. Poñernos por diante no marcador porque é complicado que consiga o equipo contrario dar a volta ao resultado".
Precisamente de cara ao playoff, desexa que "podamos xogar os partidos en ABANCA-RIAZOR porque para nós é un aliciente e xogar con #ANOSAFORZA sería espectacular; pero non sei nada agora mesmo".