- Foto: @Futgal -
A Selección Galega Sub-18, coas deportivistas Tere, Lía e Nuria de titulares, caeu inmerecidamente ante Euskadi (2-1) na segunda e última xornada da Segunda Fase do Campionato de España da categoría.
A derrota foi máis dolorosa se cabe porque o segundo gol vasco chegou no tempo de desconto.
Con este resultado, a Selección Galega quedou apeada da Fase Final, a pesar de golear onte na primeira xornada a Murcia (5-0). Neste partido, as xogadoras do Deportivo Abanca Malena, Tere, Lía e Nuria foron titulares. Tere foi protagonista, con tres tantos na súa conta particular.
