Iris Arnaiz converteuse esta mañá na Cidade Deportiva de Abegondo na terceira futbolista do Deportivo ABANCA en alcanzar o centenar de partidos en competicións nacionais.
Iris está na súa cuarta campaña no Dépor ABANCA, onde chegou procedente do Oviedo Moderno CF no verán de 2017.
Nestas catro temporadas, a asturiana disputou 45 partidos en Primera Iberdrola, 49 en Segunda División Nacional, 4 na promoción de ascenso á máxima categoría e 2 en Copa da Raíña.
Do mesmo xeito, Peke alcanzou esta mañá os 99 encontros oficiais, polo que no próximo encontro no que participe converterase na cuarta 'centenaria', após Gaby, Cris e Iris.
