Juan Domínguez, con gastroenterite, non se adestrou na primeira sesión do Deportivo
Juan Domínguez, afectado dunha gastroenterite, non se puido adestrar na tarde do martes co primeiro equipo. A sesión foi sóo pola tarde no Mundo do Fútbol. Juca, Desmarets, Antonio Tomás, Raúl, Lopo e Urreta compl
Mañá mércores haberá dobre quenda de adestramento (mañá _10.00 horas_ e tarde); do mesmo xeito que o xoves, considerando o partido ante o Pontevedra ás 20.00 horas como unha sesión máis de adestramento; e o venres. O sábado será só pola mañá e o domingo haberá xornada de descanso. "O partido do Pontevedra vainos a vir ben. Era unha das moitas peticións que ten o Club encima da mesa e aproveitaremos a semana para aumentar o volume de traballo", explicou Miguel Anxo Lotina en rolda de prensa.
Falou o adestrador deportivista da chegada dun lateral zurdo e un dianteiro. Confesou que o lateral "vai máis avanzado". Non así o dianteiro: "Aquí imos con tranquilidade porque non é fácil superar o nivel dos que temos. Os que nos gustan son moi caros e os máis alcanzables non nos acaban de convencer".
Insistiu en que a pretemporada marcha "ben", auque recoñeceu estar "preocupado" pola falta de gol de equipo e "contento porque damos moi poucas opcións de ataque aos rivais".
