RCD / NOVAS

Juanfran: "Debo moito ao Dépor e o que queira de min terao"

27/07/2017 12:54

Juanfran foi o responsable de atender aos medios de comunicación esta mañá na sala de prensa da Cidade Deportiva de Abegondo.

Recoñece o lateral deportivista ter estas últimas semanas "opcións de ir a Turquía, a Rusia, a Bélxica, a Francia. Richard (Barral) sóuboo sempre desde o primeiro momento. Pero non tiñamos intención de saír. Son moi feliz aquí e só marcharíame se o Club ou o adestrador non quixese que estivese".

Nesta liña, asegura estar "encantado" na Coruña: "Teño unha filla nada aquí fai sete meses, galega, socia do Deportivo aos dez días de nacer. Non teño ningún motivo para saír nin nunca o tiven. Son feliz, sigo dando pasos".

Apunta que "tiven a sorte de estar aquí tres anos, de xogar máis de cen partidos. Quero seguir facendo a miña historia aquí, tentar axudar ao Deportivo a que volva onde se merece".

Preguntado sobre a posibilidade de que o Club lle propuxese unha saída, Juanfran tamén foi sincero: "Son un activo do Club. Sinto este Club case como meu. Non son deportivista de nacemento pero levo tres anos aquí. Teño o máis grande da miña vida, que é a miña filla de aquí. E esa si que é de nacemento do Deportivo. Se o Club cre que o mellor, o que lle pode vir ben é que Juanfran salga, Juanfran sempre fará o mellor para este Club. Debo moito ao Deportivo e o que queira de min terao".

Sobre a marcha da pretemporada, o '2' branquiazul subliña que "non hai que botar moitas gabanzas agora porque ata o momento son rivais de categorías inferiores". Iso si, destaca que as novas incorporacións "viñeron cunha predisposición moi boa para o traballo. Hai que valorar que todos os que veñen fan caso ao adestrador, e queren e queren e queren".

Sendo un dos veteranos do vestiario, Juanfran di que sería "unha honra poder ser capitán do Deportivo. Pero temos un que é Pedro Mosquera, que todos respectamos e vai seguir sendo capitán. Outro que ten que vir que é Lucas, e oxalá veña. E eu teño un favorito que é Celso Borges, polo que representa como futbolista, como persoa, como profesional. É un exemplo para todos".

Máis novas de: JUANFRAN