A sede do Deportivo na praza de Pontevedra acolleu o acto de firma do contrato que vinculará ao equipo coruñés coa marca italiana desde este verán e até xuño de 2026. Antonio Couceiro, presidente do RC Deportivo e Philippe Sachet, Manager Xeral Iberia de Kappa formalizaron un acordo que dá continuidade á relación do Dépor con insignias italianas. Neste caso Kappa, unha marca centenaria nada en Turín que, coa súa icónico imaxe, o Omini que representa a un home e unha muller sentados, costas con costas, desde este verán estará presente en todas o equipamento do RC Deportivo.
Kappa non só vestirá a todos os equipos do Club senón que, a partir deste mes, xestionará directamente as DéporTiendas físicas (ABANCA-RIAZOR, Marineda City e rúa Real) e online. Para iso, nas próximas semanas levará a cabo un proceso de transformación das tendas que comezará pola flagship do Estadio Deportivista.
Tamén nunhas semanas aterrarán na Coruña as coleccións do Dépor para a temporada 2021-2022. Até ese momento, futbolistas e técnicos do club comezarán a lucir pezas da marca italiana, pero non as especificamente deseñadas para eles e para todo o Deportivismo.
Antonio Couceiro, presidente do RC Deportivo, mostrouse “moi contento de vincular a nosa imaxe en competición e desprazamentos cunha marca do prestixio no mundo do deporte e da moda como é Kappa. Unido ao coñecemento do sector que van pór ao servizo do Deportivisimo a través das DéporTiendas, estamos ante un novo paso adiante no ilusionante futuro que esperamos para o Dépor, un futuro no que estaremos unidos a Kappa polo menos no próximo lustro”.
Pola súa banda Philippe Sachet, Xeral Manager Iberia de Kappa, sinalou que: “O RC Deportivo está a iniciar un atractivo e esperanzador proxecto que nos xera moita confianza, coñecemos a traxectoria e forma de traballar das persoas que están detrás deste club e queremos apostar polo Dépor. Estamos seguros de que a xestión actual do club permitiranos gozar xuntos dunha etapa de crecemento e fortalecemento mutuo. Estamos convencidos de que esta alianza será o principio de moitos éxitos xuntos”.
