A menos dun quilómetro de ABANCA-RIAZOR, onde nas tardes dos sábados ou domingos escóitanse as celebracións dos goles branquiazuis, no corazón do populoso barrio coruñés do Agra do Orzán respírase deportivismo polo catro custados. E por suposto tamén nun baixo da rúa Entrepeñas, sede de Equus Zebra, unha ONG que traballa pola integración de persoas con risco de exclusión social, especialmente nenos.
Alí, ás 18:00 horas, agardaban ansiosos polos deportivistas Koné e Mujaid medio centenar de nenos nados na Coruña, pero cuxas familias proceden de todos os recunchos do mundo: Colombia, Costa do Marfil, Nixeria...
Sentados nunha das aulas do modesto centro, os pequenos recibiron aos futbolistas sen disimular a súa cara de ilusión.
Os dous xogadores sometéronse a unha improvisada rolda de prensa, cos nenos e nenas exercendo de xornalistas: "¿Que che parece o adestrador? ¿Cal foi o teu primeiro partido? ¿cantos goles levas? ou ¿que é o máis duro dun adestramento?" foron algunhas das preguntas ás que Koné e Mujaid responderon sempre cun sorriso.
Como agradecemento pola visita, tanto o atacante como o defensor branquiazul levaron de recordo uns debuxos realizados á mantenta para eles por péquelos, debidamente encadernados. Un bonito agasallo para dous xogadores cuxos orixes tamén son lonxe de España: Costa do Marfil (Koné) e Nixeria (Mujaid) respectivamente.
A protocolaria firma de autógrafos e unha foto de familia puxeron o punto final a unha tarde chea de emocións, todo iso baixo o respaldo da Fundación Real Club Deportivo.
