RCD / NOVAS

Koné rescata un punto para o Dépor en Fuenlabrada (1-1)

02/11/2019 18:15

O Deportivo rescatou un punto no Fernando Torres de Fuenlabrada grazas á picardía de Mamadou Koné, autor na segunda metade do gol que equilibrou o tanto que na primeira lograra Hugo Fraile, cando os branquiazuis xogaban cun home menos mentres o corpo médico atendía a Javi Montero dun choque con Peru Nolaskoain.

O técnico deportivista, Luis César, introduciu unha soa modificación con relación ao once que presentou na pasada xornada en Santander fronte ao Real Racing Club. Ager Aketxe deixou o seu lugar a Saša Jovanović.

O primeiro cuarto de encontro desenvolveuse con dominio de posesión e territorial do cadro local, pero sen accións de ataque dignas de mención. O Fuenlabrada provocou un par de córneres que acabaron, na segunda xogada, en disparos moi desviados. Por parte deportivista, a bagaxe limitouse a un disparo lonxano e alto de Álex Bergantiños.

Superado o minuto 20, Peru Nolaskoain e Javi Montero saltaron a por un balón de cabeza, chocando nas alturas. O central andaluz tivo que saír para pechar a brecha pola que sangraba abundantemente.

Con Montero fóra do terreo de xogo, o Fuenlabrada aproveitou a conxuntura para adiantarse no terreo de xogo. Cristóbal buscou a Clavería, que cedeu cara atrás para Hugo Fraile. O extremo dereito local atopou un amplo espazo para cargar un duro disparo que se coou como un mísil na portería de Dani Giménez. Corría o minuto 26.

Aos 38 minutos, un disparo lonxano de Peru Nolaskoain se envelenou ao desvialo Clavería. O balón colleu unha parábola que estivo a piques de sorprender a Biel Ribas, que reaccionou a tempo para tocar o coiro o suficiente e desvialo a córner. Pouco antes, Iribas estivera a piques de facer o 2-0 nunha acción iniciada nun saque de banda no extremo esquerdo do ataque local.

Coa vitoria pola mínima do equipo madrileño chegouse ao descanso.

Os primeiros minutos da segunda metade mantiveron a mesma tónica que a primeira. O Fuenlabrada mandando e roldando a área coruñesa, pero sen apenas disparar á portería defendida por Dani Giménez.

No minuto 57, o Deportivo empatou o encontro, grazas a unha acción de pillería de Mamadou Koné, que lle roubou a carteira a Chico Flores após un pase picado con moito efecto de Christian Santos. O central calculou mal o bote e o dianteiro marfileño soubo esperar para anticiparse e tocar suavemente por encima de Biel Ribas para levar o esférico ao fondo das mallas.

O gol branquiazul foi practicamente todo o que sucedeu nunha segunda metade trabada, con infinidade de faltas, interrupcións no xogo e perdas de tempo, isto último sobre todo por parte dun Fuenlabrada ao que daba a impresión de que se lle estaba facendo moi longo o partido.

A pesar de gozar dunhas cantas faltas nas proximidades da área deportivista, o Fuenlabrada, gran especialista na materia pois anotou o 70 por cento dos seus goles a balón parado, non foi capaz sequera de rematar algunha delas debido ao bo facer da zaga branquiazul.

Con este empate, o sétimo en 14 xornadas, o Deportivo eleva a súa conta aos 10 puntos, cos que continúa na cola da clasificación de LaLiga SmartBank.

CF Fuenlabrada: Biel Ribas, Iribas, Chico Flores, José León, Glauder, Hugo Fraile, Cristóbal Márquez, Clavería, Anderson (Iván Salvador, min. 84), Oriol Riera (Jeisson, min. 62) e Nteka (Héctor, min. 78).

RC Deportivo: Dani Giménez, Bóveda, Lampropoulos, Montero, Salva Ruiz, Álex Bergantiños, Peru Nolaskoain, Jovanović (Borja Galán, min. 79), Koné, Borja Valle (Mollejo, min. 62) e Longo (Christian Santos, min. 56).

Goles: 1-0 Hugo Fraile (min. 26); 1-1 Koné (min. 57).

Árbitro: Vicandi Garrido (c. vasco). Cartón amarelo a Bóveda (min. 65), Christian Santos (min. 66), Mollejo (min. 90) e Glauder (min. 90+3).

Incidencias: partido da 14ª xornada de LaLiga SmartBank disputado no Estadio Fernando Torres ante 5.083 espectadores.

RCD / J14 LaLiga SmartBank

  • Biel Ribas
  • Iribas
  • Antonio Cristian
  • Chico Flores
  • José León
  • Cristóbal Márquez
  • Clavería
  • Anderson Emanuel (84')
  • Hugo Fraile
  • Randy Ntekja (78')
  • Oriol Riera (62')

Suplentes

  • Pathé Ciss
  • Pol
  • Jeisson (62')
  • Ibán Salvador (84')
  • Miguel Ángel Rubio
  • Héctor Hdez. (78')
  • Dani Fernández
  • Dani Giménez
  • Eneko Bóveda
  • Vasilios Lampropoulos
  • Francisco Montero
  • Salva Ruiz
  • Borja Valle (62')
  • Jovanović (79')
  • Koné
  • Álex Bergantiños
  • Nolaskoain
  • Longo (56')

Suplentes

  • Christian Santos (56')
  • Gaku
  • Borja Galán (79')
  • Victor Mollejo (62')
  • Koke
  • Aketxe
  • Vicente Gómez

Estadio

Fernando Torres

Goles

  • 1-0 (26'). Hugo Fraile
  • 1-1 (57'). Koné

Árbitro

amoestou aAntonio Cristian (90+3') do CF Fuenlabrada y Eneko Bóveda (64'), Christian Santos (66'), Victor Mollejo (90') do RC Deportivo.

Valora a #osnosos no #FuenlabradaDépor

#ANOSAFORZA
7,3
KONÉ
5,8
LAMPROPOULOS
4,9
CHRISTIAN SANTOS
4,7
EQUIPO ARBITRAL
4,6
PERU NOLASKOAIN
4,6
MOLLEJO
4,5
ÁLEX BERGANTIÑOS
4,5
SALVA RUIZ
4,3
DANI GIMÉNEZ
3,6
BORJA VALLE
3,6
BORJA GALÁN
3,6
JAVI MONTERO
3,4
ENEKO BÓVEDA
3,4
BORJA GALÁN
3,4
EQUIPO TÉCNICO
3,2
LONGO
2,2
O periodo de votación finalizou o 09-11-2019 12:00.