O Museo Santiago Rey Fernández-Latorre acolleu o acto de homenaxe que La Voz de Galicia ofreceu ao Real Club Deportivo con motivo do 110 aniversario do Club. Coa presenza de todo o equipo actual, o corpo técnico, o consello de administración, representantes de diversas institucións públicas e privadas, ademais de 110 afeccionados, no evento fíxose un percorrido por toda a historia da entidade.
Lendas deportivistas como Arsenio Igrexas, Dagoberto Moll, Fran, Donato, Manuel Pablo, Manjarín, Javier Irureta, Manolete, Vicente Celeiro ou Ramón Piña tamén participaron na celebración na que se lembraron os logros alcanzados polo equipo ao longo de toda a súa historia. Unha historia completa recollida nas páxinas do diario coruñés desde o nacemento do Club, xa que a primeira noticia da historia do Deportivo, o 9 de decembro de 1906 informando do primeiro partido do Deportivo da Sala Calvet fronte ao Coruña xogado a véspera, aparece reflectido en La Voz de Galicia, como lembrou o presidente, Tino Fernández no seu discurso.
