O Deportivo ABANCA mídese ao CD Monte mañá domingo 23 de setembro (12:00 horas) en Abegondo, en partido correspondente á 3ª xornada no grupo 1º de Segunda División Nacional.
Como é habitual, os socios teñen libre acceso á Cidade Deportiva. Para o público, a entrada custa 10 euros, e 3 euros para os menores de 14 anos.
O obxectivo das branquiazuis é sumar a súa primeira vitoria na Cidade Deportiva, despois de debutar en Abegondo cun empate (2-2) na 1ª xornada ante o PM Friol CD Lugo.
A lista de futbolistas citadas é a seguinte: Malena, Miralles, Cris, Patri Díaz, Laura, Miriam, Iris, Carlota, Gaby, Lía, Peke, Teresa, Erika, Silvia Mérida, Kika e Michelle Romero.
Hoxe sábado, aproveitando o bo tempo reinante, o conxunto branquiazul realizou unha sesión de activación na praia de Riazor.
