O Deportivo Abanca afronta a visita ao Atlético Arousana, prevista para mañá domingo 19 de febreiro ás 12:00 no campo da Lomba, con estas xogadoras: Anita, Ameneiros, Eva, Cris, Carmela, Elvira, Estefi, Miriam, Tere, Gabi, Nuria, Kika, Gere, María Corral, Lía e Tami.
Será o primeiro partido do equipo sen Perdi, baixa para o que resta de temporada por unha lesión no seu xeonllo esquerdo. Entre as citadas está Tere Abelleira, que esta semana participou nuns adestramentos coa Selección Española Sub-17 na Ciudad del Fútbol de Las Rozas (Madrid).
O partido en Vilagarcía corresponde á 19ª xornada no Grupo 1 de Segunda División Nacional. As branquiazuis teñen prohibido fallar, para non perder o ronsel do liderado.
O Deportivo Abanca é actualmente segundo na clasificación con 41 puntos, a 9 puntos de distancia do líder, o Oviedo Moderno.
