En rolda de prensa manifestou que Filipe terá que pagar unha multa "e unha cea para todos". Aínda que considerou que o máis importante é que "o futbolista aprenda dos erros para o futuro".
Lotina tivo eloxios para Coloccini. "Está a xogar a un nivel tremendo. Hai moi poucos centrais que se equivoquen tan pouco como el", comenta o adestrador do Deportivo, consciente ademais de que o internacional "asume máis responsabilidades ao estar a xogar cun rapaz á beira". Lotina confesa que "estamos a rezar para que non se lesione nestes partidos da Selección".
