Lotina: O 'Presi' está moi ilusionado coa tempada que vén

-¿Que tal a 'partida de padel' co Presidente Lendoiro onte á noite?
-Pois moi ben. O 'Presi' está moi ilusionado coa tempada que vén. Dentro das dificultades que el ten que afrontar, que seguro que son duras e dificilísimas, está con moita ilusión.

-¿Vai ceder ás túas peticións?
-Non se trata de ceder porque el quere o mesmo que o adestrador. Queremos traer o mellor dentro das nosas posibilidades e que a afección volva ilusionarse.

-¿Hai algunha negociación avanzada?
-Evidentemente non vou dicir nomes. É o Club o que vos ten que dicir. Si me dixo que ían ben as cosas pero non hai nada pechado con ninguén.

-O obxectivo é que teñas o persoal xa o 8 de xullo.
-Non. Éso é unha quimera no fútbol actual. Tes que xogar un pouco polos posibles traspasos que poida haber durante o verán. Non é desde logo una das miñas prioridades.

-¿Segue interesando ao Deportivo o colchoneiro Camacho, que este ano tivo menos presenza no Atlético de Madrid?
-É unha posibilidade pero a súa posición está bastante ben cuberta no noso persoal.

-¿Segue vixente o tópico de 'para entrar hai que deixar saír'?
-É unha das nosas intencións que a xente que participou menos poida irse a outro sitio.

-¿Contas con Sergio a próxima tempada?
-Sergio ten un problema contractual que ten que resolver co Club. É sentar e falalo.

-¿Que valoración fas da tempada?
-A primeira volta foi extraordinaria como equipo. Na segunda volta perdemos a nosa identidade con tres derrotas consecutivas ante Valladolid, Sporting e Xetafe. Logo estivemos dez partidos seguidos sen gañar e éso pesou moito.

-E cada vez con menos xente en Riazor, nas bancadas.
-Estamos moi preocupados pero sabemos que é un problema xeneralizado no fútbol, excepto para os grandes. Aí está o Mallorca, que pelexou ata a última xornada pola Champions e só metía 10.000 persoas.