Lotina: Vexo ao Presidente moi ilusionado co devir do Club
var ivPlayer909585 = new IVPlayer("350", "263",false, "http://www.canaldeportivo.tv/", "/i/player/1342b.gif",IVPlayer.TYPE_JWPLAYER4, "/i/player/skin-depor.swf"); ivPlayer909585.playVideo('player909585', 'rp_Lotina_abegondo_12_03_2010_ts.mpg',
Lembra Lotina que o Dépor está arriba na clasificación porque "hai xogadores importantes dentro do vestiario" e promete que o equipo "vai pelexar por Europa. Que non lle caiba a menor dúbida a ninguén".
En canto ao partido de mañá sábado ás 22.00 horas no Estadio Sánchez Pizjuán, Lotina indicou que un cambio de sistema "non obedece a que xogamos contra o Sevilla. Simplemente a que procuramos que o equipo xogue mellor ao fútbol, porque se xoga ben se marcan goles". Non lle preocupa que Kanouté póidase quedar fóra da lista do equipo hispalense, "porque se non xoga el farao seguro que un internacional. O Sevilla está cheo deles. Aos adestradores non lles preocupa que un xogador non estea nun partido. Só nos preocupan as baixas por dúas, tres, catro mese".
Explicou ademais que Mista, que quedou fóra da convocatoria, "está ben da súa lesión pero aínda lle falta algo de ritmo" e comentou así mesmo que Lassad ten opcións de entrar no once inicial, con Adrián arriba. Aínda que Bodipo e Valerón tamén están na mente do adestrador para formar a vangarda do equipo deportivista en Sevilla.
Por fin, o dianteiro asturiano Adrián cualificou, tamén en rolda de prensa, o choque ante o Sevilla como "moi complicado". Iso si, "nós estamos nunha situación moi boa porque se lles gañamos pasámoslles na clasificación, e iso é unha cousa moi boa".
Adrián é da opinión de Aranzubía e preferiu ser cauto á hora de referirse á liga de Campións: "É moi complicado. O catro equipos de arriba son moi bos e non adoitan perdoar". Mallorca, Athletic e Xetafe son, a xuízo do dianteiro deportivista, os máximos rivais para meterse en Europa: "Se seguimos facendo as cousas así, seguro que non imos ter problemas".
