Lucas pide á afección que ''encha Riazor o domingo''

A pesar de que os resultados non favoreceron nos últimos partidos, sostén que "o equipo loitou ben, como sempre. Estamos a adestrar ben e éso é o importante. Seguimos nesa dinámica dos dous partidos que gañamos ao Eibar e ao Raio Vallecano, estamos a traballar e vai ter que saír. O partido do Espanyol é moi importante e temos que sacar o tres puntos en casa".

Lembra o dianteiro coruñés que tres dos últimos rivais (Real Madrid, Sevilla e Valencia) "son os principais da liga, que actualmente en Europa seguen todos menos a Valencia, que se meterá en Champions este ano. Son rivais moi complicados que sempre é difícil gañar. Fixémolo ben, a mellor cara posible. Foron derrotas todas. Estamos tristes pero temos que ter a cabeza alta".

Prefire non falar de finais: "Imos estar tranquilos, non vaiamos meter máis presión ao equipo. Bastante temos con sacar o tres puntos. Hai que estar tranquilos, hai que loitar e gañar este tres puntos que son moi importantes", subliña.

Insiste Lucas en que "o equipo deu a cara todo o ano. Ás veces o xogo é mellor, ás veces é peor. Sempre tivo as súas oportunidades de gañar cada partido. E éso non moitos equipos que están aí abaixo pódeno dicir. Eu confío no Deportivo".