A canteirá Lucía Rivas foi convocada para uns adestramentos coa selección española sub-16 que teñen lugar en Alacante desde hoxe luns 15 ao mércores 17 de maio.
A futbolista branquiazul, con ficha cadete do Orzán SD e xa titular no Deportivo ABANCA B de Primeira Nacional, incorporouse hoxe á concentración do equipo nacional.
Lucía Rivas é un dos membros de #ANOSACANTEIRA que esta temporada se atopan no radar das categorías inferiores da selección española, ademais de Manu Berrocal e Kevin Sánchez (sub-18), Elena Vázquez (sub-17), José Rei (sub-16) ou Pablo García (sub-15).
