RCDeportivo RCDeportivo RCDeportivo
Skip to main content
GL
PORTADA

Lucía Rivas xa está concentrada coa selección española sub-16 en Alfaz del Pi

- Foto @SEFutbolFem -

A canteirá Lucía Rivas (na foto a cuarta pola esquerda na fila inferior) está xa concentrada con motivo duns adestramentos coa selección española sub-16 que teñen lugar en Alfaz del Pi (Alacante) desde o luns 27 ao mércores 29 deste mes de marzo.

Con ficha cadete do Orzán SD, esta atacante de Caldas de Reis alterna partidos co Deportivo ABANCA B de Primeira Nacional co Orzán SD Xuvenil Feminino de Primeira Autonómica. Por exemplo esta fin de semana foi titular no equipo de Kevin Cabado no seu encontro en Mos, saldado con triunfo deportivista.

Lucía Rivas colle a substitución doutra deportivista, Elena Vázquez, que acaba de lograr coa selección española sub-17 o pase á Fase Final do Campionato de Europa do próximo mes de maio en Estonia.