Luis César preparou esta mañá ao Deportivo para contrarrestar as armas do Extremadura UD, rival este sábado 16 de novembro no Estadio Francisco de la Hera de Almendralejo (16:00 horas, Movistar LaLiga).
Para iso, o técnico deportivista contou no céspede con todos os seus homes, incluído Luis Ruiz; e os canteiráns Boian, Álex Cobo, Mujaid, Valín, Bourdal e David Sánchez.
Só estiveron ausentes os internacionais (Gaku, Lampropoulos e Montero) e David Simón, de regreso de Oporto após ser intervido cirurxicamente do seu cadro pubálxico no CUF Porto Hospital.
Luis César dispuxo unha serie de exercicios tácticos defensa-ataque sempre coa mente posta ao que se vai a enfrontar o equipo branquiazul en terras estremeñas, cun rival tamén necesitado de puntos.
A mañá no céspede concluíu cun partido 11 contra 11 no campo 2 da Cidade Deportiva.
Mañá xoves, o cadro regresa aos adestramentos ás 11:00 en Abegondo.
