Luisinho e Óscar Pinchi entregaron hoxe venres os diplomas aos 222 nenos que gozaron do DéporCampus Cabreiroá 2017 na terceira quenda de Abegondo.
O acto desenvolveuse ás 12:00 no campo de herba sintética da cidade deportiva.
Todos os nenos recibiron os seus diplomas de mans de ambos os futbolistas, moi queridos polo deportivismo.
Unha foto de familia e un sorteo de agasallos puxo o punto final a esta xornada, presenciada por numerosos familiares desde a bancada.
Un total de 362 nenos e nenas participaron durante esta semana no tres sedes activas do DéporCampus Cabreiroá 2017: Abegondo, Bertamiráns e Viveiro (Lugo).
Con 3 quendas aínda abertos á inscrición (quinto de Abegondo, Monforte e Ordes), xa se superaron os 1.500 inscritos. Este ano, a sede central na Cidade Deportiva do RC Deportivo pasa de 3 a 5 semanas de actividade (a última de xuño e todo xullo). Os DéporCampus Cabreiroá estrean ademais este ano 4 sedes: As Pontes, Santiago, Ordes e Zas, que se suman ás xa existentes en Abegondo, Viveiro, Rianxo, Bertamiráns, Ferrol, Monforte e Xenebra (Suíza).
A próxima semana, a actividade dos DéporCampus Cabreiróa 2017 reunirá a 200 nenos e nenas distribuídos en Abegondo (150), Rianxo (40) e As Pontes (60).
O RC Deportivo organiza esta actividade dirixida polos técnicos do Club co obxectivo de transmitir habilidades e conceptos futbolísticos, ademais dos valores que representa o Dépor: respecto, solidariedade, amizade, xogo limpo, integración, esforzo e felicidade.
Máis aló das actividades, o equipamento deportivo (composto de camiseta, pantalón e medias), a froita e o zume diarios, o diploma final, a visita dun dos xogadores do primeiro persoal deportivista (sempre dentro das posibilidades do calendario do equipo) e un sorteo final de agasallos, son outros dos atractivos dos DéporCampus Cabreiroá, que teñen un horario de mañá de 10:00 a 14:00 horas.
En todos os casos, os accionistas e socios do RC Deportivo gozan dun desconto, igual que as familias con máis dun membro en paro ou as que inscriban máis dun fillo, ademais das que cada Club coorganizador determine en cada caso.
Desde esta edición 2017, toda a xestión dos DéporCampus Cabreiroá realízase a través da nova páxina da actividade: deporcampus.rcdeportivo.es. Nela pódese atopar toda a información común a todos os DéporCampus Cabreiroá e específica de cada unha das sedes.
