Luisinho deu un paso máis na súa recuperación da escordadura de xeonllo esquerdo co que acabou a temporada pasada. Así, despois de traballar estes días co readaptador Fran Molano, esta tarde, o xogador portugués incorporouse ao adestramento co resto do grupo.
Os Servizos Médicos agardarán agora á evolución nos próximos días para decidir cando recibirá definitivamente a alta médica.
Por conseguinte, só estiveron á marxe nesta sesión vespertina Fede Cartabia e Borja Galán.
Esta tarde o adestramento foi basicamente con balón, cun traballo de presión, rondos e, para concluír, un circuíto de velocidade e resistencia con finalizacións no campo 2 e un exercicio de ataque, con dous dianteiros contra un defensa, este no campo 3.
Mañá, martes 11 de xullo, os futbolistas están citados en Abegondo ás 10:00 para unha nova sesión de adestramento.