Luisinho recolleu o premio ao Xogador Estrella do mes de setembro
Das mans de Juan José Merlos, Delegado na Coruña de Hijos de Rivera SA, Luisinho recolleu esta mañá en Abegondo o premio ao Xogador Estrella correspondente ao pasado mes de setembro.
No acto de entrega, Juan José Merlos deulle ao futbolista portugués o "parabén". "Para nós é un orgullo darche este premio, que non é outra cousa que a vontade dos afeccionados. Desexarche sorte", declarou.
Pola súa banda, Luisinho, agradecido por este novo galardón, subliñou que "é un privilexio gañalo por segunda vez". "Agora, o obxectivo é sacar o equipo adiante", concluíu.