RCDeportivo RCDeportivo RCDeportivo
Skip to main content
GL
PORTADA

Manu Sánchez, convidado a participar na cuarta edición do Curso Internacional de Táctica no Fútbol

Manu Sánchez, técnico do Deportivo ABANCA, foi convidado a participar o próximo 19 de xuño ás 20:00 horas na cuarta edición do Curso Internacional de Táctica no Fútbol, que foi seguido nas anteriores edicións por máis de 100.000 persoas a través de Facebook Live.

Nas pasadas edicións do curso estiveron convidados técnicos suramericanos como Gustavo Ferreyra, seleccionador nacional sub-23 de Uruguai; Luis Alberto Canay, Director Técnico de Chivas; Santiago Escobar, Director Técnico da Universidade Católica de Chile; ou Eva Espejo, Directora Técnica do Pachuca feminino.

O Deportivo ABANCA está a converterse nun referente no fútbol feminino. Boa proba diso foi o relatorio que Manu Sánchez impartiu o pasado mes de abril para técnicos españois que traballan en Estados Unidos, a través de Sporting Global.