Manu Sánchez subliñou en rolda de prensa este mediodía en Abegondo que "o equipo xa sufriu, xa chorou, xa sangrou por todo o que fixo durante todo o ano. Podemos ter a cabeza moi alta de chegar a esta situación cando todo o mundo dábanos por descendidos en novembro e cando xa se ocuparon tres prazas de descenso. Somos o único equipo que estivo todo o ano aí abaixo e que seguimos con vida".
Insiste en que a mentalidade do equipo branquiazul é "saír a xogar un partido a vida ou morte. Isto é así pero sen nada que perder. Iso xa pasou. Isto convértenos nun equipo moito máis perigoso".
Nesta liña, lembra que "a presión xa voou de aquí. A presión leva encima das costas das noso xogadoras nove meses. E esa presión esfumouse hai dúas semanas. Por iso non temos nada que perder. O que tiñamos que perder xa o perdemos. A nosa mentalidade é diferente e convértenos nun equipo moito máis perigoso. Temos xogadoras que sen esa presión poden multiplicar o seu rendemento".
O técnico branquiazul cre que o Deportivo ABANCA mañá sábado 19 de xuño no Municipal Felipe del Valle (11:00 horas, #Vamos) ante o Real Betis "non ten nada que perder, porque o que tiñamos que perder xa o perdemos".
Laméntase por non ter o apoio, a calor de #ANOSAFORZA que si ten o equipo nos partidos en Abegondo "pero hai que afrontar o partido como se merece, nun campo complicado. Tamén é un campo que polas pistas de atletismo non sentes esa proximidade do público. Ás veces ese valor da afección, dependendo das situacións, pódese volver en contra".
Manu Sánchez espera un rival que "a priori o ten todo moi de cara. Esa praza entre elas ou nós. Lévanos cinco puntos con seis en xogo. A metade da diferencia de goles a favor. Eu vinas case celebrar a permanencia. Non contaban con chegar a esta situación. Nós demostramos que sabemos vivir no barro, sobrevivimos no barro e este partido é un partido de barro. Imos ver quen é capaz de levar o gato á auga. Elas teñen todas as papeletas para liquidar a situación mañá mesmo pero imos ver que nos atopamos".
En canto ao futuro da próxima temporada, aínda que resta o desenlace final desta, o preparador deportivista apunta que "desde que se empezou a coñecer a forma de traballar, os medios que temos aquí, a aposta do Club, a calor de #ANOSAFORZA neste campo, moitas xogadoras interesáronse. O Club é moi atractivo para unha futbolista. Poder dicir que vas adestrar e xogar todo o ano en herba natural é algo que moi pouca xente pode dicir. Os Servizos Médicos que temos aquí non se atopan en ningún lado. Hai unha serie de condicións que fan moi atractivo isto tanto para as que están como para xente que está a tocar a porta. Nós temos que expoñer todas as situacións, xa desde hai meses".
