Marchena presenta unha lesión muscular de grao 1 na súa cadeira dereita
Carlos Marchena foi sometido hoxe a unha resonancia magnética para coñecer o alcance exacto das súas molestias na musculatura da cadeira dereita.
Os Servizos Médicos do Deportivo diagnosticáronlle unha lesión muscular de grao 1 no obturador externo da cadeira dereita.
Nos próximos días, o futbolista aumentará progresivamente a intensidade do seu adestramento segundo a súa evolución.
