María Méndez manifestou este mediodía en rolda de prensa en ABANCA-RIAZOR que o FC Barcelona, rival do Deportivo ABANCA en cuartos de final da Copa da Raíña, "é o mellor equipo da liga, o rival favorito. Nós temos que ir alí a Barcelona coa máxima ilusión posible, con moitísima ambición e tirar cara a adiante".
O defensor branquiazul insiste en que "non temos que virnos abaixo porque sexa o Barça. Pasamos a primeira eliminatoria, temos que seguir cara a adiante".
Subliña que en fútbol "imposible non hai nada, e máis sendo a partido único. Imos con moitísima ilusión. Nunca sabes o que vai pasar nun partido de 90 minutos. Tirar cara a adiante e con moitísima ambición o equipo pódeo sacar".
Iso si, é consciente de que "ningún equipo da liga quería ao FC Barcelona. Ao final se tócache non podes facer nada. Temos que traballar máis que nunca para poder chegar alí e competirlles de ti a ti". "Todas pensamos que é o rival que máis che vai custar pero temos que pensar que é a partido único, que todos os días non se pode gañar e igual teñen un partido malo e nós moi bo", engade.
Eloxiou tamén o ambiente que houbo en ABANCA-RIAZOR nos oitavos de final ante a Valencia CF Femenino: "Foi impresionante a verdade. Todas temos que agradecerlle a todos os deportivistas que se achegaron ao estadio e apoiaron. Vivilo desde dentro foi impresionante e máis cun 7-2, o equipo fixo un traballo enorme e súper contentas".
Finalmente, María Méndez pide agora centrarse na liga, este domingo 16 de febreiro na Ciudad Deportiva del Rayo Vallecano (18:30 horas): "Hai que saber distinguir o momento Copa e o momento Liga. Agora temos que pensar xa no partido do domingo".
