Mario Soriano lembrou esta mañá na sala de prensa de Abegondo que "estes 5 partidos últimos que nos quedan, 3 contra rivais directos, van ser moi importantes. E os outros 2 fóra de ABANCA-RIAZOR, Badaxoz e Ceuta, tamén para que a final de ano véxase que estamos aí arriba. Vai ser clave conseguir os máximos puntos posibles e arrancar o ano da mellor maneira e con esa confianza para seguir aí arriba; e que non nos pase como o ano pasado que empezou o ano e estivemos desacertados sobre todo fóra de casa e esa vantaxe que tiñamos de puntos desaproveitámola".
Asegura que a idea de aquí á última xornada do ano é "gañar todos os partidos. O empate do outro día, se conseguimos gañar varios partidos dos últimos 5, vai ser moi importante. Se segues puntuando en todos os partidos ao final de temporada valo a notar porque moitos equipos van picar. Os de arriba non van gañar todos os partidos, van perder puntos en campos complicados porque esta categoría sabemos que é moi difícil gañar, que vas fóra de ABANCA-RIAZOR e é moi complicado. Temos que aproveitar os dous partidos en casa contra rivais directos que van ser clave e nos demais partidos fóra esta fin de semana temos que empezar cos 3 puntos".
Coincidiu con Óscar Cano ao subliñar que ante a Cultural Leonesa, "xogouse un partido moi bo, estivemos súper ben sobre todo a primeira parte, coa posesión durante todo o encontro. Tivemos ocasións moi claras que se nos imos 2-0 ao descanso non pasase nada, pero así é o fútbol. Non meter as ocasións pagámolo na segunda parte na que estivemos un pouco máis descontrolados. O xogo estivo máis dun lado a outro pero o equipo está moi ben, xogamos moi ben, este é o nivel que temos que dar. Se xogamos como o outro día, moi poucos partidos imos perder".
Laméntase iso si que "despois de marcar o primeiro gol o partido estivo máis revolucionado. Tiñamos que baixar unha marcha e ter o control, a posesión, acougando o partido. E logo o segundo gol que nos meten estamos arriba, tentando presionar ao rival, ter a posesión no seu campo e píllannos nunha transición que é verdade que o melloramos até o outro día. Estiveramos moi ben nos partidos anteriores".
Insiste Mario Soriano que "estamos moi ben tanto defensiva como ofensivamente. Até o outro día non nos xeraron ningunha ocasión que digas ti erros moi claros. Hai que seguir traballando, adestrando nas dúas facetas porque tivemos ocasións moi claras que tiñamos que metelas e o partido cambiase. E defensivamente igual hai que mellorar todos".
Sen apoio de #ANOSAFORZA este domingo 27 de novembro ás 17:00 en Fuenlabrada (InSports.tv) debido ás obras no Estadio Fernando Torres, o atacante madrileño pensa que "a afección para nós é moi importante. Sempre dicimos que é o xogador número 12, veñen apoiarnos, a animarnos e sempre están aí. Este finde será a primeira vez que se cadra non vexamos a ninguén pero nós a centrarnos. Se veñen, moito mellor porque nos apoiarán, animarannos e será un plus, pero se non veñen facer un partido moi bo, a lograr os 3 puntos e a estar contentos despois".
Con 5 puntos de renda agora mesmo na clasificación sobre o CF Fuenlabrada, un dos descendidos de Segunda e aspirante ao ascenso, Mario Soriano sabe que o partido do domingo no Estadio Fernando Torres "vai ser moi importante por ter unha certa distancia sobre eles, sobre un equipo que en teoría ía ser un dos candidatos a ascender; e á hora de estar nós pelexando arriba, con todos os equipos que hai, ter a menor distancia posible. Agora hai certos encontros entre equipos directos, nós contra o Córdoba e o Racing de Ferrol, van ser importantes para que esa distancia sexa menos e estar todos os equipos xuntos para lograr o obxectivo a final de temporada".
