Mario Soriano e Lucas pasáronse pola zona mixta de ABANCA-RIAZOR.
O centrocampista madrileño mostrouse ante os medios de comunicación "moi contento por conseguir os 3 puntos e polo partidazo do equipo".
Apunta que "a primeira parte foi moi boa, o equipo presionou moi ben arriba, aproveitamos todas as ocasións. Logo na segunda parte tivemos menos ocasións pero aproveitámolas moi ben".
Autor do primeiro gol do partido, Mario Soriano márchase "contento por axudar ao equipo, por marcar outra vez en ABANCA-RIAZOR. Espero que o equipo siga así, como xogamos hoxe e que veñan moitos máis goles".
Insiste en que hoxe o Dépor "estivo moi ben, controlamos o partido, presionamos moi ben, tivemos posesións longas que nos fixeron descansar co balón e sobre todo as transicións foron moi boas".
Pola súa banda, Lucas Pérez, autor de dous goles, explicou a dedicatoria de ambos "ao meu fillo e á miña noiva. É o máis bonito que estamos a vivir agora".
O dianteiro coruñés confesa que "agora mesmo son moi feliz. Estou en casa e esta felicidade que eu teño se fai que a xente sexa máis feliz e o ambiente de ABANCA-RIAZOR sexa como o de hoxe vainos a levar polo aire ao obxectivo".
Cre que o triunfo desta tarde, máis que un golpe encima da mesa, "é un paso máis para conseguir o obxectivo. É un partido importante como o seguinte (en alusión á Balompédica Linense). Imos a un campo moi difícil. Eu estiven nesta mini pretemporada co Cádiz. Espero que a vitoria contra o CF Talavera de la Reina sírvanos para encamiñar outra vitoria fóra de ABANCA-RIAZOR e seguir aí nos postos de arriba".
