O sorteo da Copa Galicia de Segunda División Nacional, no que entrou o Deportivo ABANCA, deixou ao conxunto que dirixe Manu Sánchez encadrado no Grupo 1 xunto a Atlántida Matamá, Victoria FC de Santiago e Sárdoma CF.
O torneo arrancará o 18 de novembro, día en que o conxunto branquiazul visitará ao Sárdoma. A última xornada desta liguiña a dobre volta de que consta a primeira fase disputarase o 19 de maio de 2019.
Os dous primeiros clasificados de cada un dos 2 grupos cruzaranse en semifinais e os gañadores loitarán polo título na gran final, en datas e sedes aínda por concretar.
O calendario do Dépor ABANCA queda do seguinte modo:
18 de novembro de 2018: Sárdoma - Deportivo ABANCA
19 de marzo de 2019: Deportivo ABANCA - Atlántida Matamá
7 de abril de 2019: Victoria FC - Deportivo ABANCA
28 de abril de 2019: Deportivo ABANCA - Sárdoma
1 de maio de 2019: Atlántida Matamá - Deportivo ABANCA
19 de maio de 2019: Deportivo ABANCA - Victoria FC
